|
Ayumi_Domoto
|
read my profile
sign my guestbook
Name: Ayumi
Gender: Female
Interests: Reading,
Photo-taking, Drawing,
Sleeping,
Eating,
Physics,
Japanese Language,
Japanese Culture,
KinKi Kids,
Ryosuke Yamada (Hey! Say! JUMP)
Expertise: Physics,
Japanese Language,
Japanese Culture,
KinKi Kids,
Ryosuke Yamada
Occupation: Research student
Message: message me
Website: visit my website
Member Since:
1/6/2004
|
|
SubscriptionsSites I Read
|
|
|
|
| 2009年 10月 26日
昨日去本鄉做 Body check... 佢寫明係 1:30 - 3:30pm
即係呢個時間你行入去就可以做。
一去到，已經搵唔到 clinic 在邊... 佢真係隱蔽到... 如果唔係咁0岩見到有個人走入去，我真係見唔到lor!! 完全無指示。
之後就排隊登記，條隊長到... 我以為自己排緊 HSJ 的 goods... @@"
登記果度真係好勁，佢用日文問你「識唔識聽日文」!! 勁!!
跟住就驗尿、量血壓、抽血、心電圖、X-ray、度高磅重、做心理測驗...
之前唔知邊個傻仔同我講話15分鐘可以完晒成個過程，最後呢？最後我咪由 1:30pm 排隊排到 5:00pm 至做晒所有野走得lor!!! 
佢個安排超差lor!! 根本係可以分流，成班人排同一樣野，例如話Ｄ人排緊抽血果陣，其實量血壓果度已經無晒人lor!! @@" 都唔知係咪日本人好鍾意排隊，點解要搞到成堆人排同一樣野？
抽血俾人吉左針已經好唔開心 = =" 根住又心電圖又 X-ray，俾人「舞」來「舞」去得返半條人命仲要去做心理測驗，佢心理測驗Ｄ問題又係好廢的 e.g. 「過去兩個星期，你有無想過自殺？」、「過去兩個星期，你的情緒有無極度低落？」除非你好想見醫生，如果唔係應該無人會揀 YES = ="
之後個心理醫生仲問我「你今日點啊？精神嗎？」我真係想話「托你地所賜，我得返半條人命」= ="
我聽到有鬼妹話似 Scary factory，又有人話 the worst experience in Japan，其實... 佢地無誇張到lor = ="
於是我拖著攰到死的身驅返去千葉，買左好多野食，但因為太攰又衝到正打風... 我覺得我差Ｄ俾風吹走... 應該我手上面果幾袋重到嘔的野食「聚」住，所以我無被吹走到.... = ="
P.S. 我又輕左!! 癲架!!!! 我要肥啊啊啊啊...
*************************
2009年 10月 27日
今日又去本鄉上堂，癲架，我來回一次係講緊 1140 yen lor!!!
今日同左個 professor 講我係留學生，上堂用日文同 notes 用日文我都ok，但我最唔ok的係我好多時都聽唔到Ｄ學生問乜野，想叫佢用英文重複返一次俾我聽... 佢問我係邊度人，我咪話係香港人lor，於是佢就話「哦，即係英文完全無問題wo」，嗱，聽住啦香港人，在大部分日本人眼中，香港人係國語得（因為佢地以為我地都係講國語，佢地唔知有廣東話）、英文得架!! 學好Ｄ英文唔好衰俾Ｄ日本人睇啊。
於是有學生問問題啦，佢居然叫個學生自己用英文up條問題出來... 囧 佢想我犯眾憎咩!! = =" 個學生Ｏ晒嘴，好彩個professor自己用英文up一次....
落左堂之後講返，佢話如果用英文上堂的話，對日本人學生來講呢堂就變左做英文堂... 囧 算啦，我聽返日文都ok架啦... = ="
放左學返到千葉又去買菜，因為屋企無晒菜... 囧
嗱，呢度咁少波菜，就已經 158 yen = 13 HKD
在香港?? $13 HKD 都唔知買到幾多斤波菜、多到食死你都夠了!!
真係貴到癲左...
於是我未到食飯時間又想食野，又自己整左多士來食，好好味 =w=
不過我似乎未吸收到上次在 Kit 屋企整多士的經驗，Ｄ多士入面的蘋果餡又多到爆晒出來 XDDDDDD
今日新星堂已經有 KinKi 新 single... 於是我即使係就來破產，我都死左去拎 = =" （日本訂野係之後至俾錢的）
唉...
*************************
要回應下朋友仔們俾我的問題：
好多人都問我適唔適應到日本生活，之後又有好多人自己答返：不過你成日去日本，都慣啦。
無錯啦！我又唔覺得有咩特別lor，其實東京同香港都好似架，我一開始都知道自己一定住唔到木屋架啦，所以我咪專登揀石屎樓lor，我呢個石屎森林來的人，緊係鍾意石屎樓啦 XDDDDDD
好多人都問我做咩唔住宿舍，或者搵人合租。
好不幸，學校係無宿舍的。
我唔想同人合租，我淨係接受到同香港人合租，我絕對接受唔到我每日返到屋企唔係講國語就係講英文...
而好不幸地，成間大學計埋我都應該唔多過三個香港人... 囧
仲要係九唔搭八完全唔係住同一區，點合租？
其實在日本生活真係無咩問題，大家唔洗擔心我 ^^
不過唔該寄多幾合五花茶來，我都幾熱氣 XDDDDDDDD
在日本熱氣都唔知食咩好，唔通餐餐食苦瓜咩？日本人又無「熱／涼」呢個 idea 架，上次我地解釋俾我日文老師聽的時候都解釋左好耐 ^^" 所以呢度係無一Ｄ for你熱氣時食的野lor... | | |
| 2009年10月17日
一朝早未起身就有人送包裹來 @@"
太好了，終於收到香港寄來的救援物資了 >w<
謝謝 Talent + Kit >3<
於是就等埋 Treasure factory （二手店）送個洗衣機來...
在等的時候煮埋個 brunch 食左，我煮的野居然食得落口，真係奇蹟。
等到十二點幾，Treasure factory 的人來到，就問我想裝個洗衣機0係邊，講講下就問：「呢個係廁所？」我聽到一頭霧水，點知其實佢想問：「個洗衣機0係邊」唔係啊化？個洗衣機咪0係你地間舖頭度lor!! 唉，最後佢話黃昏再來過 @@"
好啦，無洗衣機啦，衫又無得洗，結果咪走左去「柏之葉 campus」果個站的 Lalaport 度行下lor...
試左坐東武野田線坐到去流山xxxxx (唔鬼記得個地名，太長了），再轉 Tsukuba express，320yen lor! 癲架，Tsukuba express真係超貴lor!!
去到 Lalaport 其實都係想搵間超巨的 100 yen 店，點知 100 yen 店未搵到，我就睇中左件衫 + 超可愛 Elmo （阿毛）公仔... 冷靜冷靜... 買晒必需品至睇下有無錢剩買衫同帶阿毛返屋企... = ="
再行到書局，第一件事當然係去睇雜誌 >w<
兒子的無驚喜，因為有人 scan 晒，但睇 KinKi 的真係被秒死lor >w<
被老公堂本剛秒死都抵死啦，我仲要被光一秒死左 >w<
啊啊啊啊，如果無記錯係11月的 Potato >w< 完全死掉，大家快Ｄ去睇 XDDD
於是行到頂樓都唔見，點知間 100 yen 店在地下果層 囧
點解我唔一早見到...
買左千幾yen野，都ok啦，就走去買左件衫，但阿毛就 bye bye 啦，下次再帶你返屋企啦... 嗚嗚嗚嗚嗚嗚...
行到去巴士站... 真係癲架wo!! 星期六日係半個鐘要一班車lor!! @@"
算，去麥記食返個包，橫掂我個 brunch 其實無食到好飽。
原來坐巴士返屋企 200 yen ja!! 早知來的時候就坐巴士啦。
返到屋企睇下 KinKi 隻 DVD （終於拆左了 XDDDDD），等 Treasure factory 的人送洗衣機來。
再執下野，落街買下野，洗下地，煮下飯，咁就一日（救命，我來日本係做家庭主婦的嗎？？？？？）
睇左志田未來的「小公主 Seira」，喂，邊得好睇啊？？
又睇左三浦春馬的「Samurai high school」，救命，睇左一半我為左慳電我熄鬼左個電視 XDDD
最好睇都係老公同兒子 =w=
沖完涼就睇 KinKi 的DVD =w=
**********************************
2009年10月17日
朋友話 HSJ 抽票張野記左來了，大鑊!!!!
好彩朋友仔話寄埋張野俾我入錢...
真係大大大大大大鑊.... 我都唔知睇邊場好，救命... Orz
今次仲最多每場可以抽六張，事務所係咪癡左線？
**********************************
早幾日師姐同師弟問我點解對 KinKi 同 Physics 可以有熱誠到來日本讀 Physics...
其實真係唔知點解lor XDDDDD
但睇 KinKi 隻 DVD 的時候，真係好有感觸，無呢兩個笨蛋，我真係無今日... 無呢兩個笨蛋，我就唔會有班一樣鍾意 KinKi 的好朋友...
當然，無兒子的話，我一樣都係無今日...
由我細細個鍾意日本野開始，到佐野瑞樹，到 KinKi 再到兒子，真係好似注定左咁... 原來我鍾意左 KinKi 早就超過十年，鍾意兒子都有兩年了...
雖然轉捩點（導火線？？ XDD）應該係0係我去 New Zealand 開 conference 呢一件事上面。
我到而家都唔係好相信，我在日本居然有自己的屋企lor... 成件事真係好似發夢咁... @@"
成日俾人話我唔好掛住睇 KinKi 同兒子的 concerts，老實講，完全係精神支柱lor... 唔係得我一個人講架啦，好多人都話，覺得睇 KinKi 同睇兒子，係有被治癒的感覺，我覺得無誇張到lor，要明的人自然會明 XDDDD
而家兒子的 con 我全部追晒，係因為... 我唔想好似對 KinKi 咁，其實一路都鍾意 KinKi 鍾意得好癲，堂本剛講過的每一句說話我應該都記得，但因為細個果時無錢無能力自己去日本追con，所以錯過晒幾乎所有 concerts... （而家都唔見得好有米... 但最少可以追con），其實真係覺得遺憾，明明咁鍾意，點解會錯過Ｄ con? 所以而家對兒子就好似對 KinKi 的補償咁，一次都不能少，全部con追晒!! XDDDDD
發完up瘋，我去睇 KinKi 了 =w=
P.S. 其實我一路都好想 KinKi 在con上面唱「キンキのやる気まんまんソング」。去年去大阪睇年末年始居然真係唱左，其實果時已經好似 KinKi 實現左我的夢想咁超開心 >w<
P.P.S. KinKi 最高!!!!! ね、がんばるよ！ | | |
| 隔左一星期，終於又有時間 update 下個blog啦 XDDD
於是呢個星期一就聽到 KinKi 的好消息了 =) 無錯，就係年末年始將會在 Tokyo Dome 開 con 了 =DDDDD
花花係睇緊光一的solo con時即刻 send sms 俾我lor XDDD 我一睇到個 sms 直頭想尖叫 XDDDDD
於是我星期二一上完堂就仆到去入 fan club (當然順手入埋 HSJ 的 fan club)，希望趕得切抽票啦 (HSJ 的應該趕得切卦，但 KK 真係好驚lor = =")
於是剛剛呢個星期都在實驗室的秘書的幫助下搬左家了 (yeah!)
無左佢幫手我就真係死得了 XDDDD
被＋衣櫃都係買新的，洗衣機＋桌子＋椅子都係舊的，電視機係秘書小姐俾的 (yeah!)
洗衣機同椅子都要星期六至送來，真係慘 = ="
同埋... 我屋企要到 23日至上到網lor!! (救命) 要到 23日至有人來安裝上網果Ｄ野lor... 無得上網的日子真係死人... 好彩學校有得上...
同實驗室的師姐好好傾 XDD 昨日仲同左佢去買野，昨日有個師弟來吹水，師姐就介紹我俾佢識啦，勁好笑，講到我的偶像，師姐就叫師弟估下啦，以下的對話超搞笑lor:
師弟：Arashi??
師姐：唔係，唔係咁 cheap 的 (ayumi: oh!! 佢話 Arashi cheap 啊 XDDDDD C姐唔好嬲啊 XDDDDD)
師弟：...嗯... 堂本剛?
師姐＋我：(拍手拍手拍手拍手...) Bingo!!
搞笑，點解係講堂本剛而唔係 KinKi Kids? XDDDDDD 難道佢覺得光一都好 cheap? XDDDDD
師姐居然話我來左之後佢有被治癒的感覺，因為平時實驗室得佢一個，又無人同佢講野，好悶咁話wo XDDDD
我聽到之後勁開心lor XDDD
************************
剛剛上完日文堂返來，日文堂又係oral堂，真係悶到嘔泡... 囧
呢堂教「きっかけ」 e.g. 你開始學日文的契機係咩啊？
真係... 在香港都講到爛啦，仲講？ = ="
呢Ｄ topic真係悶到... 仲要其他同學都係中國人，真係超悶... 囧
下堂我應該唔會去lor...
我應該下星期一會試下上「Japanese in media」，呢個似乎有趣Ｄ = ="
************************
而家睇緊 Gaisser...
想話，Gaisser 真係好難頂...
完全唔知佢Ｄ variables係邊得彈出來，又唔解釋，樣樣野都唔解釋我洗鬼睇你咩？？囧
最慘係... 居然又係印錯野，搞到我迷茫左半個鐘頭，超憎佢 @@" | | |
| 好多日無寫日記了，真係忙到嘔晒泡 @@"
如果大家見到我 facebook 完全消失，msn又唔覆，係正常的，我而家咁得閒打日記係因為我而家等緊洗衫 @@"
我來到日本第二日就去拿左外國人登錄、開左戶口、仲買埋手機、拿埋學生證，係咪好高效率呢？ XDDDD
真係好多謝早起身陪我去整呢樣整果樣的花花，仲有陪我行到腳軟的 Julie >3<
話時話，去 Softbank 買手機果時差Ｄ就俾人呃lor~
我一開始就睇中左部我自己都估會好貴的手機，於是我都打算放棄呢部機的時候，居然俾我地在池袋間 Bic Camera 見到每個月俾 1780 yen (佢寫住 3780 yen - 2000 yen = 1780 yen）就有wo~ 咪好開心咁話要lor。
點知到我地差唔多簽約的時候，至知道，原來個收費係：3780 yen (手機) + 980 yen (基本通話費) + 三千幾 yen (咩來電轉接之類的 service) - 2000 yen (呢 2000 yen 只可以用於extra service) = 4650 yen!!!!!!!!!!! @@"
癡線，緊係唔要啦，一個月淨電話費都交成 5000 yen??!?!? 呃鬼啊？咁我之前問左你Ｎ咁多次係咪每個月淨係交 1780 yen 你又話係？？？？？ Softbank 真係呃人架wo... 於是咪即刻話我要過第二部機lor~ 癡線。
買完手機我同 Julie 都已經攰到行唔到 @@"
Join 埋花花去食壽司。
我都係果句：唔好問我點解無影相，我有影一兩張，但我真係攰到唔想 upload.... @@"
*******************************
於是 10月3日就同 Chie-san 去睇樓 @@"
第一次在日本睇樓lor (廢話)
睇左兩間就揀左lu~
(雖然後來同實驗室Ｄ人傾過，個個都話好遠同貴，搞到我其實係有Ｄ動搖lor...
不過最緊要真係安全wo我覺得... 要我自己一個人返江戶川台果邊，我會驚架lor...
所以為左費事煩（其實呢個至係主要原因），於是我都係要左呢間。)
會合埋 Kasumi-san 又去睇多次，連 Kasumi-san 都話好啊。
即係都唔洗諗啦？
於是同 Chie-san ＋ Kasumi-san 去食晚飯，就係咁，我就 miss 左親愛的兒子的「左目探偵EYE」了 (淚)
在我食完飯返到花花屋企果刻，我睇到最尾的兩分鐘 XDDDDD
淨睇最尾兩分鐘，我就覺得會有連續劇出lor!!!!
Yeah!!!! 兒子!! 我期待你的主役!! (雖然我未必有時間睇 = =")
*******************************
10月4日花花就晨咁早起身，陪我拎部分行李去寄，途中遇到一位日本大嬸，見到我們搬得好辛苦，就推自己架單車來幫我地，超好人lor，仲要明知我地係外國人都肯幫wo!!!
之後花花就送我＋我的行李到日暮里，謝謝花花啊 >3<
如果自己一條友你都唔好話唔煩。
在柏站會合左實驗室的師兄，師兄一見到我箱行李就話不如搭的士去學校的 guest house...
我想講... 其實我無咩$$$$ (淚)
不過佢唔想搬就算了...
搬晒Ｄ野去 guest house 之後佢就帶我在柏站附近食下飯，行下咁。
於是晚上我自己返左 guest house食杯麵 XDDDDD
所以至得閒同大家 skype 下 XDDDD
*******************************
10月5日第一次返實驗室，第一次見是實驗室的人，老實講，唔係好記得佢地Ｄ名lor = ="
然後同一日就去左本鄉 campus 度搞租屋的保證人果Ｄ野，真係煩到嘔泡。
之後就返左柏果邊同實驗室的人一齊食飯，係我第一次見老細lor XDDDDD
*******************************
10月6日一起身就去左秘書果度，傾完租屋Ｄ野又走去本鄉上堂。
去到本鄉至發現「休講」lor!!!!!!!!!!!!!
我來回要成 (280 + 570) x 2 yen = 1700 yen lor!!!!!!!!!!
完全係浪貴金錢時間。
於是咪走去郵局交保險費，再去返留學生支援組度交保險費的receipt，點知原來保證人張證明書已經搞點晒，超快wo~
之後又行左去書局度望下Ｄ日文書（老細叫我 take 日文 course... 雖然其他人都話唔使 XDDDDD）
真係行到一隻野咁，東大個 campus 可能只係中大的平面版....
整晒所有野之後就死死氣返左lab...
坐左陣就同大家去食飯。食完飯坐左陣就返 guest house。
*******************************
10月7日趕左去三井住友開戶口＋匯錢俾地產公司。
開戶口都好花時間，地產公司要我在兩點前匯到，邊有可能啊？
要匯咁多錢又話要有戶口wo，都無計啦...
某人在隔離淨係識數住仲有幾多分鐘淨，係咪好似在邊度聽過呢？ XDDDDDD
匯完錢果然過左兩點，都無計啦，照去地產公司交契約書。
之後順手在柏站附近訂左 Hey! Say! JUMP 寫實集（當然我都有訂 KinKi single），食埋飯，就返 lab。
返到lab仲要忙開 internet 戶口，VPN戶口果Ｄ野 @@"
真係忙到傻。
日本打大風啊，快快手走返 guest house 就同大家 skype 下。
出面Ｄ風打到 "fu fu"聲，好得人驚 @@"
*******************************
10月8日
今日完全抱住一個唔洗返學的心態 XDD
一開電視就見到新聞報導話好多木屋的屋頂都被吹走，超恐怖lor = ="
而家我就真係慶幸好彩我租的係石屎樓... (我承認我係石屎森林來的，所以我愛石屎樓...)
於是就睇兒子的「左目探偵EYE」，完全無邏輯可言，不過我好鍾意 >w< 兒子太治癒了~ 呵呵（花癡中）
不過我估到個犯人lor (Yeah!!) 但睇個勢一定會有連續劇出!!
好野!! 我期待兒子的主役!! Yeah~~!!
於是下午就被秘書小姐叫左返lab，秘書小姐真係超好人 >w< 我租屋的事佢可能仲關心過我自己 XDDDDD
於是在lab睇下書就同師姐去食飯，食完飯吹左陣水，原來師姐細個果時都鍾意 Sailormoon lor XDDDDDDDD
超好傾，但因為我要洗衫，聽早就要早起身，所以我而家就返左 guest house lor XDD | | |
|
